საქართველოს ეზიდთა სასულიერო საბჭოს განცხადება
2021-06-02
საქართველოს ეზიდთა სასულიერო საბჭო
სახელითა მაღალი ღმერთისა!
ძვირფასო ძმებო და დებო!
მიმდინარე წლის 17 ივნისს მიცვალებულთა ხსენების და სასაფლაოზე გასვლის დღეა. გლობალური პანდემიის პირობებში, როგორც მოგეხსენებათ, ხალხმრავალი შეკრებები არ არის რეკომენდირებული. ჩვენ ვითვალისწინებთ მთავრობასთან კონსულტაციების შედეგად მიღებულ რეკომენდაციას და მოგიწოდებთ, ამჯერად სასაფლაოზე გასვლისგან თავი შევიკავოთ.
აუცილებლად მიგვაჩნია, ჯანდაცვის სამინისტროს და პანდემიასთან ბრძოლის საკოორდინაციო შტაბის რეკომენდაციებით ვიხელმძღვანელოთ.
უფალმა აცხონოს ჩვენი მიცვალებულების სულები და მიაგებოს მათ, რაც მათ სახელზე სრულდება!
წმინდა ეზიდის ტაძარი
თბილისი
02.06.2021 |
